Selekshon Junior di Kòrsou ta gana Canada djadumingu 11 pa 9 i lo hunga djaluna 5’or den Mundial Junior League
TAYLOR (MICHIGAN) - Selekshon Junior di Kòrsou a debutá djadumingu 14 di ougùstùs 2022 ku un viktoria di 11 pa 9 kontra di Canada. Djabièrnè e selekshon di Kòrsou, kampion Latino Americano a move pa Mundial di Junior League na Taylor Michigan i a hunga nan promé wega djadumingu. Awe djaluna 15 di ougùstùs 2022 nos selekshon di Liga Pabou lo topa ku Australia pa 5’or pm.
STREAM
Por mira e wega via e link aki
https://reddit.mlbstream.me/australia-vs-latin-america-live/stream-2
NUMERITONAN
Latin America (Kòrsou) a skor na 11 okashon, bati 10 hit i hasi 3 eror. Picher ganadó tabata Izion Mogen i e mes a bati di 3-2, Faried Cijntje i Gurshen Mogen a bati di 3-2.
Canada a nota 9 kareda, bati 6 hit i hasi 1 eror. Neo Foster tabata e picher pèrdèdó i Hazen Stokes a bati di 3-2.
Selekshon Junior League di Kòrsou a sali pa kampionato Mundial na Taylor Michigan
WILLEMSTAD - Selekshon Junior League di Liga Pabou ku resientemente a bira kampion na Puerto Rico a sali djabièrnè 12 di ougùstùs 2022 pa Taylor Michigan pa representá Latino America den e kampionato Mundial ku ta start 14 di ougùstùs i terminá dia 21 di ougùstùs 2022. Djadumingu 14 di ougùstùs anochi e selekshon mester a hunga su promé partido di e Mundial Junior i nos a gana Canada 11-9.
RBC Royal Bank spònser di Little League representá pa sr. Sharier Dorand manera ta kustumber tabata presente pa deseá e hóbennan éksito.
E siguiente hungadónan ta forma : Day-Jendrik Anita, Edward Hersilia, Jandrick Karel, Faried Cijntje, Justin Coffie, Fran-J Confesor, Keadon Kuwas, Arsheneau Martina, I-Zion Mogen, Gurshen Mogen, Zion Pardo, Ashton Rafaela, Sebastian Russo i Jurving Roojer.
Manager di e selekshon ta Charlon Nanoy, asistí pa coachnan Johannes Gregorius Sr. i Ludson Roberto. Sr. Kursley Kuwas ta hefe di delegashon.
