Semi-final i final awe den Kopa ABC&S na Van Engelen Ballpark i 50+ na Boneiru i final na Punta Cana
WILLEMSTAD – Djadumingu, 21 di mei tin e partidonan di semi-final i final di Kopa ABC&S na Van Engelen Ballpark. Den e promé semi-final pa 12’or Swift lo topa ku Redskins (Aruba) i pa 2’or Cicoza lo enfrentá Dream/Thrillers. 4’or lo tin e gran final entre e ganadónan di mainta.
HOMERUN DERBY
Promé ku e wega final 3 veteranisimo di ABC&S lo kompetí den Homerun Derby. Ta trata aki di Tico Ramazan di Kòrsou, Pooy Flanegin di Aruba i Edichi Agostien di Boneiru. Yu di e 3 veteranonan aki ku ta aktivo komo hungadó den e ABC&S aktual lo picha pa e veteranonan aki bati.
Ban Serio kontra Tigers i Marlins kontra Astros den 50+ ABC&S
KRALENDIJK – Ban Serio a yega final ku rekòrt di 2-0 lo topa ku Tigers di Sint Maarten den semi-final pa 11’or am den Stadion na Boneiru. Pa 1’or ekipo Marlins (2-0) lo topa Astros di Aruba. E gran final di 50+ lo ta 4’or di atardi i despues pa 6’or lo tin final den e kategoria femenino. Pa 2.30 tin final di 60+ entre Sint Maarten Vets i Bonaire Stars.
Jaws kontra Puerto Rico den final na Punta Cana 1.30
Jaws lo topa ku Puerto Rico den final na Punta Cana. Jaws a gana Pitufos 12 pa 3 den semi-final. Ekipo Bario Obrero di Puerto Rico a gana Banbinos den Aruba 8 pa 3 den e semi-final. E final lo tuma lugá djadumingu 21 di mei pa 11’or di mainta.
