Senior ku rèkòrt di 3-0 i Intermediate 2-0 den Karibe i Latino
WILLEMSTAD – Selekshon Senior League tin 3 ganá i 0 pèrdí i selekshon Intermediate tin 2 ganá i 0 pèrdí den kampionatonan di Karibe i Latino Americano. Selekshon di Senior Pabou ku a gana 3 wega stret. Djadumingu Senior a derotá República Dominicana ku skor di 7-4 i djaluna di Aruba ku skor di 9-8.
Djamars den oranan di anochi nos a gana Puerto Rico ku skor di 3-2 den un wega ku a bai 9 inning i keda pará debí ku manager di ekipo Puerto Rico (Manati) a baha su hungadónan for di tereno. E wega a keda pará den di 8 inning i despues ku wega a sigi nos a laga Puerto Rico den tereno. Sigiente weganan ta Kòrsou Senior ku rèkòrt di 3-0, djarason kontra Virgin Islands pa 10’or di mainta.
Selekshon Senior ta hunga kampionato di Karibe na Mayaguez (Puerto Rico) i Selekshon Intermediate ta na Santo Domingo (Republica Dominicana).
INTERMEDIATE
Selekshon Intermediate tabatin 2 ganá i 0 pèrdí te ku weganan di djamars. Intermediate a gana Aruba ku skor di 4-3 djaluna i Colombia djamars ku skor di 15-1. Djarason 11.30 Intermediate lo hunga kontra Aruba.
Selekshon Intermediate League Pabou a sali pa Republica Dominicana pa Kampionato Latino Americano ku presensia di RBC Royal Bank
WILLEMSTAD - Djadumingu, 23 di yüni 2024 den oranan di mainta e selekshon di Intermediate League League Liga Pariba a biaha pa Santo Domingo (Republica Dominicana), pa partisipá den e Kampionato Latino-Amerikano di Beisbòl Intermediate League. E kampionato lo start dia 23 yüni i lo terminá dia 30 di yuni 2024. RBC Royal Bank tabata presente atrobe pa duna e selekshon sostén i deseá e delegashon éksito. E siguiente hungadónan a biaha ku e selekshon: Jaydlynn Wiel, Joshua Rojer, Alexander Provacia Roach, Shemar Sophia Jacobus, Nathan Nahr, Yeadon Lourens, Juan Ramon Cleto Ferreras, Sean Serverie, Helmir Helmijr, Jerome Basilia, Nazir El Ossais, Dshawn Winklaar i Joshua Acosta Fernandez. Manager di e selekshon ta Sherrintley Da Costa Gomez asistí pa téknikonan Sorick Liberia i Argenis Martina. Sr. Sherton Saturnino ta hefe di delegashon asistí pa Urny Nahr. Sr. Marvin Martina ta e umpire ku Kòrsou lo manda pa e kampionato Intermediate na Meksiko.
%20copy.jpg)
