Seri semi-final di Liga di Nos Tur entre Chilling i Sin Stress empatá
WILLEMSTAD- Sin Stress a laga Chilling den tereno djasabra anochi pa empatá e seri di play-off semi-final di Liga di Nos Tur na unu. Djabièrnè tabata e ekipo Chilling ku a gana di Sin Stress ku skor di 7 pa 5 i djasabra faltando un out pa e wega terminá, Sin Stress ta nota dos kareda i keda na bida. E wega di djasabra a terminá ku skor di 11-10 dilanti un públiko grandi na Frank Curiel Ballpark. E wega finalísimo di e seri semi-final lo ta djabièrnè awor na Frank Curiel Ballpark.
Chilling tabata falta un out pa klasifiká pa final pero a keda den tereno. Chilling a kaba temporada regular komo number 1.
Chilling 7, Sin Stress 5
Chilling tabatin 7 hit ku 2 eror. Churmelyn Eduarda a gana. Myriela Carlo ku Melissa Rosalina, ámbos bai di 3-2. Sovienny Kleinmoedig ku Churmelyn Eduarda, tur 2 a bai di 2-1. Yamira Osepa a bai di 3-1. Myriela Carlo a konektá 1 homerun. Sin Stress a dal 10 hit i nan hasi 5 eror. Marie Windster a pèrdè. Solange Soliana, Dayenne Delando, Tanusi Delando ku Emmely Jonis, tur a bai di 3-2. Janitza Betrian ku Sonna Valies, tur 2 a bai di 3-1.
Sin Stress 11, Chilling 10
Sin Stress a dal 13 hit i nan a kometé 1 eror. Candida Girigorius-Wawoe tabata picher ganadó. Tanusi Delando a bai di 4-3. Solange Soliana ku Dayenne Delando, ámbos a bai di 3-2. Emmely Jonis a bai di 2-2. Suvianka Virginia a bai di 2-1. Natasha Marselia, Sonna Valies ku Morela Osepa, tur a bai di 3-1. Solange Soliana ku Emmely Jonis, ámbos a konektá 1 homerun. Chilling tabatin 15 hit ku 2 eror. Morela Osepa a resultá pèrdèdó. Yamira Osepa a bai di 4-3. Richinella Jamanika, Myriela Carlo ku Henmarigila Bernardus, tur a bai di 3-2. Leonise Avastia ku Svenska Bazur, tur 2 a bai di 4-2. Loeshemains Kook a bai di 1-1 i Sovienny Kleinmoedig di 2-1.
