Sin Stres kampion Liga di Nos Tur 2024
WILLEMSTAD- Sin Stres a gana Un Kara ku skor di 9 pa 4 pa bira kampion Liga di Nos Tur 2024. E wega finalísimo di e gran final di temporada a tuma lugá djabièrnè , 6 di sèptèmber 2024 den Frank Curiel.
Un públiko grandisimo tabata presente pa mira e gran partido aki despues ku e seri final a empatá na unu. Despues ku e último out a kai riba un foul flai pa tersera base. Sin Stres a selebra e titulo kampion for di einan te den oranan di marduga. Tabatin entrega di premio na ekiponan i hungadónan invidivual. Den dianan benidero nos tin mas detaye.
Jaws ta gana Flamboyan/Gamers pèrtá den Liga 50
WILLEMSTAD- Jaws ku ta number 3 den Liga 50 a gana Flamboyan/Gamers ku skor pèrtá 6 pa 5 pa mantené nan mes fuerte den klasifikashon den Liga 50. Jaws a gana nan di 6 wega sigí i ta for di 22 di yüni último nan a pèrdè kontra e ekipo Baranka. Edison Sambo a picha 6 inning i un tersio i despues Fernando Rosario a bini tremendo den relevo pa terminá e wega. Den otro wega, Pitufos a dal Artemisia 9 pa 2, Baranka a derotá Catpower 9-7 i Sluggers a dal Lions 11-5. Sluggers no a pèrdè wega den ougùstùs i a dal dos grandi den ougùstùs, entre otro Baranka i Pitufos. Standing up to date den Liga 50 ta Marlins 10-2, Pitufos 10-3, Jaws 9-3, Baranka Shark 8-6, Ban Serio 6-5, Flamboyan/Gamers 7-6, Sluggers 6-6, Artemisia 3-9 i Catpower 2-10.
Pitufos 9, Artemisia 2
Pitufos tabatin 10 hit ku 2 eror. Janchi Cicilia a gana i e mes a bai di 2-1. Juburney Davelaar ku Orsendo Clemencia a bai di 2-2. Roque Zimmerman ku Edsel Zinhagel a bai di 3-2. Artemisia a dal 6 hit i hasi 2 eror. Raymy Cicilia a pèrdè. Richenel Baromeo i Freddy Castillo, ámbos di 2-1. Rudney Martina di 2-2.
Baranka 9, Catpower 7
Baranka a dal 10 hit i kometé 2 eror. Kenny Hellement tabata ganadó. Joseph Everon a bai di 2-2 i Ramsey Koeyers di 4-3. Pa Catpower 12 hit ku 2 eror. Lionel Privania a resultá pèrdèdó. Luis Alcantara a bai di 2-1, Rivelino Moesker ku Marvin Wijman, ámbos di 4-2 i Elmus Paulo di 3-3.
Jaws 6, Flamboyan 5
Jaws tabatin 9 hit i nan a hunga sin eror. Edison Sambo a bai ku e viktoria i Arnaldo Angila di 1-1. Joel Angelista, Manuel Rekondie, Lesley Fer ku Edison Sambo, tur a bai di 2-1. Fernando ‘ Paiza’ Rosario a bai di 2-2. Flamboyan a dal 11 hit i hasi 3 eror. Rudney Garmers a karga ku e derota. David Rodriguez a bai di 1-1 i Gerton Matrona di 2-1. Egbert Polonius ku Alexander Bernabela, ámbos di 2-2.
Mon Repos Sluggers 11, Lions 5
Sluggers a dal 7 hit i kometé 1 eror. Claifson Domacasse a gana. Victor Hernandez, Norman Sloop ku Claifson Domacasse, tur a bai di 2-1. Dudley Felicia a bai di 3-2. Pa Lions 8 hit ku 3 eror. Gurtney Adriana a pèrdè. Raichel Leito, Charlton Daal ku Eran Neuman, tur a bai di 1-1. Gilbert Bernabela, Giovanni Maduro, Sandy Marseli ku Juan Trinidad tur di 2-1.
INFORMASHON DI SÒFTBÒL I BEISBÒL
Beisbòl MLB a drenta su último luna. Ekiponan ku ta na promé lugá ta den Liga Nashonal Phillies, Brewers i Dodgers. Aki tin un sorpresa, debí ku último añanan ta Atlanta Braves a gana divishon. Phillies tabata gana Wild Card i bin gana Braves den play-off. E aña aki parse ku Braves ta laga Phillies kore bai pa despues bin tumba nan den play-off. Braves ta sinti falta di Acuña, pero tene kuenta ku e aña ku Braves a bira kampion, Acuña no a hunga play-off. Braves a gana World Series na 2021 riba Houston ganando e seri 4-2 i ganando e wega number 6 den kas di Houston, Minute Maid Park. Den Liga Americana ekiponan Yankees, (empatá ku Orioles), Guardians i Astros ta na promé lugá.
* * * * *
Ban pa Slowpitch. Weganan di Liga 60 djadumingu a keda suspendé. Tur 3 wega a keda suspendé debí na palu di awaseru ku a kai parti pabou di Kòrsou. Dos wega di djadumingu na Vi Jansen Ballpark a keda suspendé. E wega di djadumingu a sigi kaminda Santa Rosa Royals 50+ a gana di Otrabanda relatívamente fásil 8-0. Santa Rosa Royals ta un kos serio den 50+ i ta kompetensia fuerte pa Jandoret Raiders i e otro ekiponan Otrabanda i Energy. Den 40+ Beisbòl ekipo Quality Stars ta bayendo super bon atrobe i nan a gana di Santa Maria Pirates ku tabata na di dos lugá djadumingu último.
* * * * *
Den Liga 50 djasabra awor ta Sluggers kontra Ban Serio 2’or i Marlins vs Baranka 4’or. Dos wega kandela. Ekipo Sluggers ta sorprendiendo tur ekipo grandi último weganan. Marlins ta na promé lugá i Baranka no ta pasando den bon momentu. Mester tene kuenta ku Baranka ta keda Baranka i ta ekipo ku tabata kampion na 2021 i 2022. E kampion aktual ta Ban Serio ku ta kampion di Kopa ABC&S. Liga 60 tin Jaws vs Nos Tambe Por djadumingu 8 di sèptèmber pa 3’or. Nos ta keda te aki awe i te mayan ku Poder di Dios.
%2520copy.jpeg)
