Sin Stres ta gana e promé wega di playoff final den Extra Ining ku skor di 9-8
WILLEMSTAD- Dilanti un públiko grandi na Frank Curiel Ballpark, ekipo Sin Stres kampion di Liga di Nos Tur 2023 a gana di Sin Stres ku skor di 9 pa 8 den Tie Break. E wega a tuma lugá djabièrnè 30 di ougùstùs. Sonna Valies di Sin Stres tabatin un hugada klave den último inning ku e wega 9-8.
Riba un flai pa right e rightfielder Sona Valies ta kue un flai, pa despues tira saka dòbel play na home plate. Hugada krusial i despues out number tres pa termina e wega ku kareda di empate pa Un Kara na tersera. Ekipo Un kara tabata ‘home team’. Ta promé wega di e serie final mihó di 3 di Liga di Nos Tur. Djasabra 31 di ougùstùs ekipo Un kara lo ta lomba kontra muraya lo mester trata na empata e seri. Un viktoria pa Sin Stres awenochi ta nifiká ku nan ta kampion di Liga di Nos Tur pa di dos aña sigi.
Mon Repos Sluggers ta sorprendé Jaws den 60+
WILLEMSTAD- Mon Repos Sluggers a gana Jaws 4-2 djadumingu den Sòftbòl 60+ na Frank Curiel Ballpark. Mon Repos Sluggers tratando na yega den e promé 4-nan di Liga 60. Den otro wega Nos Tambe Por a pasa fásil riba Curacao Super Stars ganando 10 pa 0. Den e último wega di djadumingu Pitufos a gana Los Amigos 8-5. Standing den Liga 60 ta Nos Tambe Por 9-2, Pitufos 8-2, Jaws 7-2, Lions 4-5, Nos Power 4-5, Mon Repos Sluggers 4-6, Los Amigos 3-7, Curacao Super Stars 0-10.
Nos Tambe Por 10, Curacao Super Stars 0
Nos Tambe Por tabatin 12 hit i nan a kometé 1 eror. Richenel Rafaela a gana i e mes a bai di 1-1. Winston Kirindongo, Edsel Leopold ku Ellery Martina, tur a bai di 2-1. Norwin Moesquit, Hendrik Gabriel, Percey Schoop ku Jeromin William, tur a bai di 3-2. Pa Curacao Super Stars 1 hit ku 3 eror. Arsenio Servanie a pèrdè. Ruvin Rijnschot a bai di 1-1.
Mon Repos Sluggers 4, Jaws 2
Mon Repos Sluggers a dal 7 hit i nan a kometé 2 eror. Eldred Bakker tabata ganadó. Richinel Boeldak a bai di 1-1. Irwin Leito, Raymond Lieuw, Efraim Marselia, Norman Sloop, Hilbert Cicilia i Eldert Bakker, tur a bati di 2-1. Jaws a dal 5 hit i hasi 2 eror. Rigoletto Thode a resultá pèrdèdó. Giovanni Toppenberg a bai di 1-1. Fransje Lambertina i Victor Caldera, ámbos di 2-1. Rudsel Schmidt a bai di 3-2.
Pitufos 8, Los Amigos 5
Pitufos tabatin 12 hit ku 2 eror. Juan Cicilia a gana. Richinel Juliana, Luis Coffie ku Juan Cicilia, tur 3 a bai di 2-1. Rignald Hooi, Sharlon Louisa i Orsendo Clemencia, tur a bai di 3-2. Sharlon Louisa a konektá 1 homerun. Pa Los Amigos 8 hit ku 2 eror. Gilbert Henrietta a pèrdè. Dennis Coffi, Gregory Jonis ku Donald Balentina, tur a bai di 2-1.
Curaçao Kickingball Federation (CKF) ta bai ranka sali ku su kampeonato nashonal di
Kickingball
WILLEMSTAD - Relashoná ku komienso di kampionato nashonal di Kicking Ball, lo bai tin un reunión informativo i durante di e reunión aki, lo duna tur informashon relevante na clubnan. E reunión lo tuma lugá djaluna 2 sèptèmber próksimo, pa 19:30 (mitar di 8) di anochi, den sala di reunión di SSK na Schouwburgweg
Alabes lo bai tin oportunidat pa klubnan nobo, inskribí nan mes pa bira miembro di
Curaçao Kickingball Federation. Un invitashon ta bai na tur club miembro i no miembro pa asistí na e reunión importante aki ku por lo ménos 2 representante, pa asina hanja tur informashon ku ta sumamente balioso. Pa mas informashon por tuma kontakto I. Lau-A-Kien ku ta sekretario general na numbernan di telefòn 5149921, 5243566, 5113028.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia i felis wikènt un biaha mas. Beisbòl Dòbel A ta hopi interesante mes den e parti final, apesar ku mester bisa ku ya ta konosí kua ekipo a klasifiká i no a klasifiká. Ta solamente ekipo Marchena Braves no a klasifiká. Nan ta den sótano ku rèkòrt di 2 ganá i 20 pèrdٌí i no por yega e ekipo di Groot Kwartier mas ku tin rèkòrt di 7-14. Groot Kwartier a klasifiká number 5 i lo hunga un wega kontra e number 4 ku ta sea Wild Cats (13-9), Santa Rosa (13-8) òf Santa Maria Pirates (14-8). Mayoría ekipo falta 3 wega pa terminá e buelta number 5 ku ta e último buelta di temporada regular. Groot Kwartier Stars (7-14) i Santa Maria Pirates falta 4 wega pa terminá e kampionato regular.
* * * * *
Djasabra awor ta kandela tin na momentu ku Royal Scorpions topa ku Santa Maria Pirates. Djadumingu ta Wild Cats kontra Groot Kwartier i Santa Rosa kontra Marchena Braves. Djadumingu Wild Cats i Santa Rosa mester gana nan weganan rumbo pa klasifiká number 2 òf 3. Royal Scorpions vs Santa Maria ta wega desidído, dor ku tin chèns ku ainda Santa Maria i Santa Rosa por yega Royal Scorpions ánke esei no ta probabel, debi ku Royal Scorpions falta ainda Marchena Braves i Groot Kwartier den nan último dos weganan di temporada regular. E wega di Wild Card ta programá pa tuma lugá djamars dia 10 di sèptèmber. Beisbòl Dòbel A, kayente.
* * * * *
Ayera mester tabatin e promé wega di e seri final entre ekiponan Un Kara i Sin Stres, seri final ku ta pinta di bira hopi pèrtá ánke ku ekipo Un Kara a gana Sin Stres den 3 di e 4 weganan durante kampionato regular. Huntu ku un kontakto di nos a analisá e dos ekiponan. Den Spit ekipo Sin Stres tin bentaha, pa loke ta Poder ta hopi pareu. Den Defensa Un Kara ta gana i Bateo ta Sin Stres. Den Maneho Un Kara tin ventaha i den e Totalidat Sin Stres apesar ku nan a pèrdè e seri di kampionato regular, tin un ventaha. Sin Stres tin mas hungadó hóben ku ekipo Un Kara. Fanátiko, kòrda bai awenochi Frank Curiel Ballpark pa e wega krusial, debí ku swip por kai i esnan ku a kai den premio pa nan ta presente pa risibí nan premio.
* * * * *
Nos tin algun resultado di weganan di 40+ ku a tuma lugá djaweps 29 di ougùstùs na Van Engelen Ballpark. Cicoza a gana Jaws ku skor di 13-2. Jaws no a gana niun wega ainda den 3 aparishon den kampionato di Liga 40. Cicoza a presentá fuerte ayera si ku hungadónan manera Julius Veeris, Andley Simmons, Rodney Michel, Ryan Imperator, Dayron Puriel, Senny Petronnela ets i gana fásil di Jaws. Imperator i Simmons a dal homerun. Gamers ku ta fuerte den 40+ tambe a gana Swift fásil 8 pa 2. Fernando Rosario a gana e wega pa Gamers. Fernando ‘Paiza’ Rosario ta ganando den tur divishon, Liga Amstel, 40, 50 i ta rumbo pa 60+.
* * * * *
Baranka a zona Twister feros ku skor di 25-0 (fuera). Baranka a dal 6 homerun di kual dos tabata di Ericson Senior. Ericson Senior a bati di 3-3 ku 5 RBI. Standing den Liga 40 despues ku tur ekipo a hunga 3 wega ta Gamers 3-0, Swift 2-1, Twister 2-1, Baranka 1-2, Cicoza 1-2, Jaws 0-3. Weganan di 40+ Sòftbòl ta sigi djaweps 6 di sèptèmber ku 3 wega. Tur djaweps tin 2 wega riba tereno A i un wega riba tereno B. Awe tin Liga 50 i Liga Amstel na Van Engelen Ballpark. Wega kandela ta Flamboyan/Gamers kontra Jaws pa 2’or pm. Den 60+ tin dos wega kandela. 11’or Nos Power (4-5) vs Sluggers (4-6). 1’or ta Los Amigos (3-7) vs Curacao Super Stars (0-10). Curacao Super Stars no tin viktoria miéntras Los Amigos (3-7). 3’or ta Nos Tambe Por (9-2) kontra Lions (4-5). Nos ta keda te aki pa awe. Te mayan ku Poder di Dios.
%2520copy.jpeg)
