Souax kampion Sòftbòl Femenino Klase A

WILLEMSTAD - Souax a bira kampion di Sòtbòl Femenino Klase A djadumingu 23 di oktober na Sam Bunting Ballpark ganando Pichingolo ku skor di 4-1. Pichingolo konsiente ku djadumingu nan mester gana a sali bai ariba 1 - 0 riba doblete di Thaíma Maximiliana for prinsipio di e wega, pero J'Dah Girigorie determiná pa kaba kos awe mesun dia.

Souax kampion Klase A. Baluartenan Asila Finies i Isonette Polonius ta entrega kopa.

Despues di e kareda aki a sera porta pa Pichingolo i no a permití nada mas. Miéntras ku J'Dah a kita bate for di e bateadónan di Pichingolo, Souax a anotá 3 kareda den serada di 1 promé inning riba hit di Dianthe Gibbes pa finalmente Souax titulá kampion di klase A ku ku viktoria di 4 pa 1 riba Pichingolo.

MVP J'dah Girigorie huntu ku Asila Finies i Isonette Polonius.

J'Dah Girigorie a Sali e MVP di playoff, e a gana tur 3 wega, i a permiti solamente 1 kareda den 3 wega

Souax A : 4  kareda 2 hit 1 eror

Picher ganadó 'JDah Girigorie

Mihó bate :  Dianthe Gibbes 2-1

Pichingolo A : 1 kareda  3 hit 3 eror

Picher pèrdèdó : Taynise Prince Jacobus

Mihó bate : Melanny Castro-Arias 2-1

Hungadónan di Souax Klase A despues di wega.

‍

‍

J'Dah Girigorie, picher number 1 di Sòftbòl lokal.

Promoshon / degradashon :

Den un wega di hopi kareda Rising Trotters ta kue e promé wega den e mihó di 5 riba Treasure  ku skore di 12 pa 10

Rising Trotters : 12  kareda 8 hit 7 eror

Picher ganadó Jaqueline Sophia

Mihó bate :  Raicheline Zimmerman 3-2

Treasure : 10 kareda  10 hit 10 eror

Picher pèrdèdó : Dianara Pieternella

Mihó bate : Sinai- Marie Sofia 4-3

Rising Trotters di Klase A a gana e promé wega di promoshon i degradashon.

Sigiente wega :

Promoshon/degradashon ta sigui djamars 19:30hrs

i e Semi Final pa saka e otro finalista pa bai enfrentá Souax, Entre Pichingolo i The Fighting Team  ta tuma 21:30 hrs

Pichingolo kontra The Fighting Team den semi-final djamars 25 di òktober
The Fighting Team lo presentá ku Lybis Hurtado den tur wega.

‍