Stanford Landburg hopi aña destakando den Slowpitch na Korsou
WILLEMSTAD- Den e dianan benidero nos lo entrevista algunhungadó di tantu Slowpitch komo Beisbol mirando ku e dianan aki deporte taplat. Un hungadó ku sigur fanátikonan di Slowpitch ke sera konosí kun’é taStanford Landburg ku ta hunga outfield i primera base den Crazy Tigers antesden Baranka, Bombers, Survivors ets. Hopi aña pasa tempu ku Stanford a biniKorsou ela hunga den Pepina i Veteranos tambe i reforsá algun ekipo. Stanford tin 16 aña bèk na Kòrsou despues ku ela hunga Beisbòl na USA i na Hulanda.
STANFORD
Stanford Emory Landburg a nase na Kòrsou dia 1 di ougùstùs 1978.E tremendo pelotero slengu despues di a kaba skol básiko a bai Marnix Mavo i Stuyvesant College.
Despues Stanford a bai Junior College na Alabama (Merka) i 2aña na Hulanda studiando HBO Personeel en Organisatie. Stanford ta konta ku ela keda 2 aña na Merka i tres aña na Hulanda.
FAMIA
Stanford ta yu di e èks tremendo pelotero Stanley Landburg ku ahunga beisbòl den gran forma den entre otro Royal Scorpions. Ardelis, Stanfordsu mama ta gran fanátiko di deporte i no ta pèrdè niun wega di su yu. Stanford tin dos ruman mas, Fiona i Ardley.
KOMIENSO
Stanford a kuminsá hunga beisbòl ku 4 aña serka Chebu Juliana den e bario di Semikok, despues Stanford a hunga bala serka un mener Marti manera e mes ta bisa i despues Little League serka Michael Viktoria na Santa Rosa.
Den Senior League Stanford a hunga serka Dapi Da Costa Gomez(tata di Renato Da Costa Gomez ) i Hubenil serka Dugel Adriana ku tabata coach.
“Despues mi a hunga Dòbel A. Mi a subi na aña 1996 i 1997 mi no a kaba e temporada i mi a bai Junior College na Merka”, Stanford a bisa Extra Slowpitch.
SELEKSHON
“Mi a bai ku hopi selekshon. Mi a bai Hapon tempu mi tabatin 10aña, pero esei no ta selekshon. Mi a bai un aña despues ku Andruw Jonesnan akia bai. Mi a bai Santo Domingo, Sint Maarten, den Senior League mi a bai Virgin Islands na aña ‘95.
Na Méksiko ‘96 mi tabata den gran forma i a sali Deportista Hubenil di aña e tempu ei.
Na 1997 bo mes sa kaba, kampion den gran forma ku selekshon di Wega di Reino aki na Kòrsou. (Kòrsou/Antia a sali kampion ku Stanford destakando). Na Merka mi a sali kampion di Estado Alabama, ku mi tim JuniorCollege. Mi tin e renchi i kualke dia bo por pasa wak e renchi, òf mi ta bin tereno kun’é bin mustrabo.”
HULANDA
“Mi a bai Hulanda na ña 2000 i na 2001 mi a hunga na Amsterdam ku e tim di Pirates. E tim tabata Expos promé. Despues mi a drenta fastpitch tambe den e tim Kokolishi.
Promé ku mi bin Kòrsou mi a hunga den e selekshon Hubenil JongOranje di Fastpitch.”
SLOWPITCH
“Dushi mes, e temporada ku mi a bini bek mi tabata hunga den Baranka, Bombers, Pepina i Veteranos. Mi promé aña den Slowpitch na Kòrsou:Dushi mes, hopi ambiente gezellig. Hopi a kere den kuminsamentu ku ta bati somi por bati pero mi ta filea tambe ruman, kompletu. Mi a hunga di 2004 te ku2015 den Baranka, te na momentu ku Baranka a bandoná Liga van Engelen. Mi a sali kampion ku Baranka 3 biaha,2006,2007 i 2014. Tambe sup kampion na 5 okashon. Momentunan dushi na Suvek, vèlt yen yen dihende. Ma hunga ku Pepina tambe. Den Bombers mi a sali kampion masha hopi biaha mes. Di 201 pa 2017, 7 aña sigikampion.”
BEISBOL
Na 2004 mi tabata pendiente pa hunga beisbòl, pero e tempu eisi mi hunga beisbòl mi mester wanta un ratu ku Slowpitch te ora mi kumpli 27aña. By the way, mi a bini Kòrsou ku e ekipo Steen aña 2004 i keda biba. Slowpitch ta dushi mes ruman, pero no manera antes si. Aworaki mi ta hunga den 40+ so ku ekipo Crazy Tigers. Pa loke ta Beisbòl Veterano por ta mi djòin un tim di Beisbòl Veterano. E kos no ta den miaworaki, pero bai na e tereno menshoná (Vi Jansen Ballpark) i hunga domino kasitur wikènt, kualke dia of un ora pa otro lo mi djòin un tim i hunga Beisbòl Veterano”, Stanford a kaba e prome parti di e entrevista.
Pronto nos lo tin di dos parti
