Riba homerun di Luigino Domacasse
Swift ta kibra invikto di Jaws den Liga van Engelen
WILLEMSTAD- Luigino Domacasse a dal homerun di tres kareda den Tie Break pa Swift laga Jaws den tereno djadumingu 3 di òktober. Swift a kibra invikto di Jaws ku tabatin 9 wega ganá sigi e kampionato aki. Den Tie Break den kabes di e di 8 inning, Emilio Velarde ta saka 3 out sigí ku koredó na segunda. Den bom di e di 8 inning ku dos na base Luigino Domacasse ta bati homerun pa senter pa terminá e wega. Den e otro weganan Quisqueya a dal Clase Aparte 10 pa 9 i Navegantes a derotá Kings 11-10.
Navegantes 11, Kings 10
Navegantes tabatin 10 hit i nan a hunga sin eror. A. Simmons a gana. D. Wawoe , R. van Heydoorn, ku E. Regina tur 3 a bai di 3-2. J. Tielman di 2-2 i J. Casilio ku J. Floranus, tur 2 a bai di 2-1. Pa Kings 17 hit ku 3 eror. Jair Josepha a pèrdè. R. Martes a bai di 4-4 i W. Paulina di 3-3. V. Bautisma ku T. Lourens, ámbos a bai di 4-2. K. Muller ku M. Ocalia, ámbos bai di 3-2. G. Isenia ku R. Kleinmoedig a bati di 3-1.
Quisqueya 10, Clase Aparte 9
Quisqueya a dal 14 hit i nan a hasi 1 eror. Ganadó tabata F. Rosario Moreno. C. Rosario Peña a bai di 4-3, S. Demorizi Padilla di 4-2. L. Veloz Peña ku R. Ramos Rodriguez, ámbos a bai di 3-2. W. Lockhart Martinez ku R. Adriana Baez a bai di 2-1 ámbos. R. Agramonte Reyes ku J. Castro Arias, tur 2 a bai di 3-1. G. Gil a bai di 4-1. S. Demorizi Padilla, L. Veloz Peña ku C. Gil, tur a konektá 1 homerun. Clase Aparte tabatin 12 hit ku 3 eror. J. Baptiste a resultá pèrdèdó. A. Aitatus ku S. Sambo, ámbos a bai di 3-3. R. Emers di 3-2 i R. Martina di 2-2. J. Baptiste ku G. Virginie, ámbos a bai di 4-1. S. Sambo ku G. Virginia, tur 2 a konektá 1 homerun.
Swift 11, Jaws 8
Swift a dal 12 hit i nan a kometé 1 eror. E. Velarde Lugo a bai ku e viktoria. D. Acosta a bati di 3-2. R. Kirindongo ku A. Medina, tur 2 a bai di 1-1. M. Trinidad, N. Leonora i R. Isabella, tur a bai di 2-1. D. Leon, D. Blanquicett i J. Del Rosario, tur a bai di 3-1. J. Hendrik ku I. Domacasse, tur a bati di 4-1. R. Kirindongo, D.Acosta, N. Leonora, J. Hendrik ku J. Domacasse, tur a konektá 1 homerun. Pa Jaws 14 hit sin eror. J. Esprit a karga ku derota. A. Rodriguez a bai di 3-3, R. Windster ku Aldair Daal a bai di 3-2 i R. Matrona a bai di 2-2. R. Michel di 4-2, D. Laken di 4-1 i Argenis Daal a bai di 5-2.
