Training pa umpire pa Little League di spònser pa RBC Royal Bank


WILLEMSTAD – Djamars, 17 di ougùstùs 2021, na Mancamp di Isla, tabatin apertura di un kurso Training pa umpire di Little League di spònser pa RBC Royal Bank i organisá pa Curacao Little League Foundation.  60 umpire lokal a inskribí pa partisipá na e training. Na e apertura ofishal sr. Sharier Dorand di RBC Royal Bank a dirigí palabra den presensia di umpire- i e instruktornan.  District Administrator Urny Floran a hiba palabra i na nòmber di e instruktornan a hiba palabra Sendley Martina.  Sharier Dorand di RBC a splika ku RBC huntu ku Curacao Little League Foundation a adaptá henter e programa di 2021 i a bini ku proyektonan kreativo i di balor pa kontinuashon di Little League den 2021.

Sharier Dorand di RBC Royal Bank ta dirigi palabra.

‍

Un proyekto e aña aki tabata e training pa umpire aki ku lo dura 4 dia, ku training duná dor di umpirenan ku ya tin eksperensia di dunamentu di e kurso menshoná. RBC i Curacao Little League Foundation manera semper ta pone hopi énfasis riba formashon di e hóben.  Umpirenan ta klave den e desaroyo di Little League i formashon di nos hóbennan. RBC den su afan pa yuda forma Hubentut komo nos futuro di mayan, ta sigui spònser Beisbòl Little League i pronto lo firma kontrakt atrobe ku liganan.  

Umpirenan presente na training di umpire. 60 umpire a inskribí.

‍

RBC ta sumamente orguyoso di ta un patrosinadó prinsipal di Little League pa 21 aña konsekutivo, yudando mas ku 1300 hóben ku ta praktikando e deporte Beisbòl. E filosofía di Little League ta kuadra ku e filosofía di RBC, esta formashon di hóbennan ku ta e pilánan di desaroyo di Kòrsou. Durante su speech sr. Dorand a gradisí tambe e boluntarionan ku ta yuda Little League, tantu komo umpire i tambe dirigentenan tékniko i atministrativo. Sr. Dorand a bisa mas aleu ku RBC ta kumpli ku e parti finanserio di e sponsering pa mas ku 21 aña kaba, pero e parti di e boluntarionan ta indispensabel den desaroyo di e hóben i di Little League. 60 umpire i futuro umpire lokal ta partisipá na e training. Djabièrnè awor lo klousurá e kurso ku entrega di sertifikado i un ‘happy hour’.

District Administrator Urny Floran durante speech.
Sandely ‘Karate Kid’ Martina, hefe di umpirenan di Little League a dirigí palabra na apertura.
Equipment di umpire i e buki di instrukshon pa umpirenan.
Marlo Remilia ta splika tokante e ‘equipment’ di umpire.
‍
Umpire Gerald Mathilda durante training di umpirenan den Man Camp di Isla
Sandley Martina ta indiká kon mester dekretá save.

‍