Un Kara i Sin Stress ta gana den play-off Liga di Nos Tur
WILEMSTAD- Un Kara a gana Chilling 22 pa 12, Sin Stress a derotá Join Me 16 pa 14 den play-off Liga di Nos Tur den wikènt na Frank Curiel Ballpark. Un Kara a gana den Tie Break djasabra i Sin Stress a nota 3 kareda den kabes di e di 7 inning pa bòltu skor I gana 16 pa 14 di Join Me. Un Kara ku a terminá number 2 ta na un paso di yega final.
Un Kara 22, Chilling 12
Un Kara tabatin 22 hit i nan a kometé 6 eror. Isonette Polonius a gana i e mes a bai di 3-3. Nathaly Lourens a bai di 5-4 i Jetsely Helmijr di 5-3. Fayna de Mey, Jearmine Pieternella ku Jeandrelica Pablo, tur a bai 5-2. Sholainsk Albero a bai di 4-2. Nathaly Lourens a konektá 1 homerun i Isonette Polonius a konektá 2 homerun. Chilling a dal 14 hit i hasi 9 eror. Candida Girigorius-Wawoe a pèrdè. Juglin Winklaar a bai di 5-3, Leonise Avastia di 3-2. Yamir Osepa ku Svenska Bazur, ámbos bai di 4-2, Leonise Avastia a konektá 1 homerun.
Sin Stress 16, Join Me 14
Sin Stress tabatin 15 hit ku 4 eror. Marie Windster tabata picher ganadó. Tanusi Delando a bai di 5-4, Emmely Jonis di 5-2 i Janitza Betrian di 5-2. Yoyceline Arnhem a bai di 4-2 i Natasha Marselia di 2-2. Pa Join Me 13 hit ku 6 eror. Jumille D’Arnault Carlo a resultá pèrdèdó. Anagertrudis Rodriguez a bai di 4-3, Sulimar Kellie di 2-2 i Anushka De Lando a bai di 3-2. Sharlenda Walle ku Mirugia Paulina a bai di 2-1 ámbos. Lluenchela Sophia a bai di 1-1.
