Un Kara ta dal Sin Stres 11 pa 3 pa empatá seri final i djadumingu Santa Maria vs Quality den Beisbòl Veterano
WILLEMSTAD- E seri final di Liga di Nos Tur a sigi djasabra na Frank Curiel Ballpark. Ekipo Un kara a dal Sin Stres duru ku skor di 11-3. Ekipo Sin Stres a bai trankil i warda e picher Marie Windster ku a gana djabièrnè 31 di ougùstùs pa e sigiente siman djabièrnè. E picher Anoushka Delando a habri e wega pa Sin Stres djasabra.
Ta spera un públiko super grandi djabièrnè awor pa e wega finalisimo di e seri final mihó di 3. Manager di ekipo Un kara ta Gerald Mathilda i di ekipo Sin Stres ta Rodney Riley. General Manager di ekipo Un Kara Siegfried ‘Pepi’ Martis a bisa ku nan ta trankil i ta pidi fanátikonan pa yega djabièrnè 6 di sèptèmber. Pèpi ta den dugout tur wega. E general manager di Sin Stres ta preferá di wak e wega den tribune.
Santa Maria Pirates a gana Yesterday i lo topa ku Quality Stars djadumingu atardi
WILEMSTAD- Santa Maria Pirates a gana Yesterday ku skor di 7 pa 4 siman pasá i lo topa ku Quality Stars djadumingu 3.30 pm na Vi Jansen Ballpark. Santa Maria ta empatá ku Quality Stars na promé lugá i lo topa ku netamente Quality Stars djadumingu 1 di sèptèmber. Pa loke ta trata e otro weganan di wikènt pasa Quality Stars a gana Marlins 13-0, Santa Rosa a derotá Otrabanda 10-0, Isla Crackers a gana Jandoret 9-1, Broncos a superá Azucar 9 pa 6. Den Liga 50 ekipo Santa Rosa a dal Jandoret 10 pa 3. Weganan di djasabra 31 di ougùstùs, Azucar a gana Jandoret 10 pa 2. Otrabanda a derotá Broncos 9 pa 3 i Santa Rosa a dal Marlins 7 pa 3.
Liga 40
Djasabra 24 di ougùstùs
Quality Stars 13, Marlins 0
Quality tabatin 12 hit i nan a hunga sin eror. Felix Edword a gana i Xaviero Avastia a bai di 1-1. Merieldo Trinidad i Leroy Antonia, ámbos a bai di 2-1. Soranly Tomsjansen, Rodney Michel, Raymond Leonora i Fernando Sanchez, tur a bai di 2-2. Pa Marlins 1 hit ku 3 eror. Ramon Cabrera Dominguez a pèrdè. Adrin Visers a bai di 1-1.
Sta Rosa Memories 10, Veteranos Otrabanda 0
Sta Rosa a dal 11 hit i nan a kometé 1 eror. Verney Jansen tabata ganadó. Shendy Cras ku Shurnold Martina a bai di 1-1. Curby Brunken a bai di 2-1 i Randy Lo-A-Tjong di 2-2. A. Isenia ku Cedric Antonia, ámbos di 3-2. Veteranos Otrabanda tabatin 1 hit ku 6 eror. Edison Clemencia a resultá pèrdèdó. Osaires Lucas a bai di 1-1.
Isla Crackers 9, Jandoret Raiders 1
Isla Crackers tabatin 9 hit i nan a hunga sin eror. Roderick Eustatia a bai ku e viktoria. Quincy Kook, Dayron Puriel ku Charles Merite, tur a bai di 2-2. Dave Janga a bai di 3-2. Jandoret a dal 3 hit i nan a hasi 4 eror. Earl Virginia a karga ku e derota. Carlton Daal ku Junny Orcadio a bai di 1-1 i Myron Wijman di 2-1.
Broncos 9, Azucar 6
Broncos a dal 11 hit i kometé 3 eror. Raily Cordilia a gana. Stanley Girigorie, Clifford Rosina ku Gian Carlo Martina, tur a bai di 1-1. Byron Kook ku Ramses Elisabeth, ámbos di 2-1. Arley Landburg ku J. Henriquez, ámbos di 3-3. Pa Azucar 7 hit ku 1 eror. Jurien Martina a pèrdè. Reynold Valeriano a bai di 1-1. Thierry Goeloe, Carl Jurrjens, Ian Ignacio ku Fhurgion Booy, tur a bai di 2-1. G. Costina a bai di 2-2.
Djadumingu 25 di ougùstùs
Santa Maria 7, Yesterday 4
Santa Maria tabatin 8 hit i nan a kometé 3 eror. Amador Nita tabata ganadó. Rodreck Zimmerman ku Eldred Estanista, ámbos di 2-1. Evenon Martis ku Gerthon Matrona di 2-2 i D’Leon a bai di 3-2.
Pa Yesterday 4 hit sin eror. Pernell Sprott a resultá pèrdèdó. Anchel de Palm a bai di 1-1. Senny Petronella ku Vincent Offerman, ámbos di 2-1.
Liga 50
Santa Rosa Royals 10, Jandoret 3
Santa Rosa Royals a dal 10 hit i nan a kometé 2 eror. E. Martina a gana. C. Antonia, J. Everon ku
F. Pereira, tur a bai di 2-1. S. Martina di 2-2. S. Cras ku F. Girigori, ámbos a bai di 3-2. Jandoret a bati 4 hit i nan a hasi 3 eror. Clifton Ijziek a pèrdè. Chervin Maduro ku Sherdon Rombley, tur dos a bai di 2-1. Edmar Cornelia a bai di 2-2.
MAS INFORMASHON DI SÒFTBÒL I BEISBÒL
Fanatikonan di Deporte Kòrsou bondia. Nos tei ku informashon di Beisbòl i Sòftbòl. Awe nos lo konsentrá un tiki riba Beisbòl Dòbel A. Beisbòl riba nivel Klase A i Hubenil a terminá, ke mèn umpire i skorernan tin mas tempu pa dirigí e weganan manera mester ta. Nos ta sinti falta di promoshon pa e weganan. Mester manda komunikado pa promové e weganan òf sikiera manda e página di facebook pa e korantnan. Resultadonan ku ‘player of the game’ ta drentando bon serka prensa, pero e parti di promoshon ta hasi falta.
* * * * *
Djaluna tabatin un tremendo wega entre Santa Rosa Indians i Royal Scorpions na Tio Daou Ballpark. Tabatin basta bon públiko, pero ku promoshon lo tabatin muchu mas tantu hende. Hendrik Clementina tabata pendiente pa debutá pa Royal Scorpions i a debutá djaluna último. Ta un super star ku a kibra rèkòrt di Homerun den e Liga profeshonal di Beisbòl Venezolano. No ta trata di e Beisbòl Invernal, pero e Beisbòl di Verano (Zomer) ku ta birando basta popular na Venezuela. Hendrik Clementina a terminá ku 21 homerun den e liga aki i e rèkòrt tabata 15 homerun. Un averahe feros di .374 ku 49 hit den 131 turno. En todo kaso Santa Rosa a gana Royal Scorpions ku skor grandi di 16-6. Resultadonan sa denta 11.30 pm i ta difísil pa nos por tin e wega up to date den korant su manisé. Aldair Daal a bati di 3-3 ku 4 kareda empuhá i bira e player of the game.
* * * * *
Santa Rosa tabatin 16 kareda, nan a dal 17 hit i hunga sin eror. Di parti di Royal Scorpions nan tabatin 11 hit i nan tambe a hunga sin kometé eror. Royal Scorpions a dal 3 homerun, pero a pèrdè tòg. Homerun di Royal Scorpions tabata 2 di Roderick ‘Mossy’ Bernadina i unu di Hendrik Clementina. Fanátikonan ku tabata na wega a bisa ku Hendrik Clementina ta un kos hopi serio tantu na bate komo defensivamente. Hendrik Clementina den su promé turno a dal un bala ku Rochendrik Alexander centerfielder di Santa Rosa a bai kue te kantu di waya. Den su di dos turno Clementina a bati homerun pa centerfield. Ta masha poko homerun ta sali feros pa centerfield den Tio Daou Ballpark. Hopi fanátiko lo haña kaminda pa Tio Daou Ballpark pa mira Hendrik Clementina den akshon.
* * * * *
Edinho Meyer ku tabata leshoná i despues den eksterior ku fakansi tambe ta bèk i a bati di 4-2 den wega di djaluna último. Royal Scorpions tin hungadónan manera Chucho Basilia, Sherman lacrus, Raywendley van Gurp, Hendrik Clementina, Roderick Bernadina, Edinho Meyer, Juruengelo Thielman, Wladimir Balentien. Tur e hungadónan aki ta èks profeshonal i nan tin Arjun Huerta ku a hunga College na USA. Un tim profeshonal kompletu. Aya banda Santa Rosa tin Gedionne Marlin, Calten Daal, Rochendrik Alexander, Samiani Boekhoudt i Hershelon Juliana ku a hunga profeshonal. Práktikamente ekiponan Royal Scorpions, Santa Maria, Wild Cats i Santa Rosa ta kargá ku hungadónan profeshonal ku ta duna beisbòl un nivel haltu riba tereno.
* * * * *
Ku e viktoria di Santa Rosa e standing a bira hopi pèrtá. Royal Scorpions ta na promé lugá sigí pa Santa Maria, Wild Cats i Santa Rosa. Despues di weganan di djasabra e standing ta Royal Scorpions 16-7, Santa Maria 15-8, Santa Rosa 14-8, Wild Cats 13-9, Groot Kwartier 7-15, i Marchena Braves 2-20. En todo kaso Santa Rosa ku tremendo picheo di Jordan Lucas i relevistanan J’Rujenaon Isenia i Hershelon Juliana a tumba un grandi pa hasi e situashon hopi interesante. Niun ekipo grandi no ke sali number 4, debí ku den un wega e ekipo por keda eliminá via Wild Card. Ya ta konosí kaba ku Groot Kwartier lo klasifiká number 5 i lo topa e number 4 den Wild Card. Chèns ta grandi ku Royal Scorpions lo terminá number 1 i topa e ganadó di e Wild Card den un seri mihó di 5 den semi-final. Awe nos a dediká e kolumna aki kompletamente na Beisbòl Dòbel A. Awe djadumingu 1 di sèptèmber ta Santa Maria vs Quality den Beisbòl Veterano. Nos ta keda te aki pa awe i te mayan ku Poder di Dios.
%2520copy.jpeg)
