Update di Selekshon Femenino U-17 di FFK na Colombia
Nos selekshon nashonal femenino U-17 manera ta konosí a bai un ‘trainings kamp’ na Colombia. Nos selekshon femenino U-17 a kai vensí ku skor di 4-0 kontra e selekshon di Antioquia djamars 26 di novèmber durante nos terser partido di e 'trainings kamp' aya na Colombia. Nos lo sigui prepará pa bin aun mas fuerte kontra e ekipo Atlético Nacional djaweps awor durante nos último partido na Colombia.
Djaluna 23 di september nos selekshon femenino U-17 a logra su promé viktoria aya na Colombia! Nos a sa di gana Academia Alejo ku skor di 4-2! Ruwenna Cristina, Kaylin Sprok, Sienna van Rij i Xiarleahmay Martis Nocento a sa di anotá e golnan di ku a hiba nos na e viktoria.
MAS DETAYE SELEKSHON
Despues ku nos selekshon nashonal maskulino ta tin e oportunidat di saka nos kara, awor ta toka turno pa nos damanan tambe demostrá kiko nan tin aden. Nos selekshon femenino U-17 a sali djabièrnè 22 di novèmber pa Colombia pa partisipá na un ‘trainings kamp’ komo preparashon pa nos kompromisonan pa kualifikashon pa Mundial femenino kategoria U-17. E partidonan pa kualifikashon aki lo tuma lugá na yanüari 2025 na Nicaragua.
Nos selekshon a biaha pa Colombia via Panama, kaminda nan lo keda 7 dia i hunga 4 partido kontra e siguiente ekiponan di Colombia;
1. Academia Alejo
2. Atlético Nacional
3. Formas Intimas
4. Selección Antioquia
Nos selekshon tin vários luna ta praktiká i preparando pa duna un bataya durante e ‘trainings kamp’ aki. Un grupo di 22 hungadó ta forma parti di nos selekshon femenino U-17.
E hungadónan aki ta hungadónan di nos Kampionato Femenino pero tambe tin 4 hungadó residensiá den eksterior ku a bin reforsá nos selekshon.
Nos selekshon ta wòrdu dirigí pa sr. Gamal Douglas ku ta wòrdu asistí pa sr. Heinrich Roojer i sr. Pablo Alomá Mark komo entrenadó di portero. Sra. Marina de Miranda ta e masahista miéntras Sra. Jadira Laaf ta enkargá ku e materialnan di nos selekshon. E ‘team manager’ di nos selekshon ta sra. Christine Davelaar i sr. Dean Gorré, e direktor tékniko di FFK tambe ta biaha ku nos selekshon.
E siguiente hungadónan ta forma parti di nos selekshon;
1. Xiarleahmay Nocento (Atletico Club Amsterdam)
2. Nahla de Lanooi (Atletiko Saliña)
3. Elisa Huzing (C-Stars United)
4. Vinaya Scheidelaar (Centro Juve)
5. Rashima Martis (Centro Juve)
6. Jazlynn Wouter (Centro Juve)
7. Q-Sheena Valks Kowsoleea (Centro Juve)
8. Jady Lindeborg (Excellence School)
9. Jeandrelys Alexandre (Excellence School)
10. Kaylin Sprok (Inter Willemstad)
11. Shudientely Francisca (Inter Willemstad)
12. Mecayla Douglas (Inter Willemstad)
13. Elodie Berenos (Inter Willemstad)
14. Charelda Valerian (Inter Willemstad)
15. Té’senny Kwidama (Jong Colombia)
16. Nora Damhuis (Inter Willemstad)
17. Kingnaichely Provence (Jong Holland)
18. Sienna van Rij (Oranje Wit, Hulanda)
19. Khloe Maduro (Deportes Quindio, Colombia)
20. Ruwenna Cristina (Undeba)
21. Jairvenis Martina (VCS, Hulanda)
22. Bella De Leça (Atletiko Saliña)
FFK ta deseá nos selekshon femenino U-17 tur klas di éksito durante nan ‘trainings kamp’ na Colombia di 23 pa 28 di novèmber 2024.
