Verney Jansen di Bulldogs pa Isla Crackers den Beisbòl Veterano
WILLEMSTAD- Verney Jansen di Bulldogs lo bai Isla Crackers den Beisbòl Veterano den 2021. Den e siman aki Verney a tuma e desishon ku elo move pa Isla Crackers. Verney ruman di Kenley Jansen tabatin plan grandi ku Bulldogs den 2021 ku apoyo di su ruman Kenley Jansen. Verney ta un batiadó di gran poder ku a debutá den Beisbòl Veterano den 2020 ku Bulldogs i a konektá algun homerun pa su ekipo . Verney ta defendé primera base i ta bati komo batidó designá i asigná. Probablemente Kenley Jansen lo bai sostené Verney Jansen den e ekipo Isla Crakcers ku na 3 okashon a hunga final di Beisbòl Veterano sin logra bira kampion.
Parse ku e hungadó Ian Leito, un di esnan ku tei ku Bulldogs for di 2010, lo move pa Isla Crackers huntu ku Verney. Timnan manera Santa Rosa Memories i Vosama tin interes den Ian Leito segun nos fuente. Mas kambio den Beisbòl Veterano ta ku Merieldo ‘Lem’ Trinidad ku tabata práktikamente den Santa Maria a bolbe bèk Quality Stars. Otro Bulldogs ku a move for di tim ta Kelvin Winklaar ku lo bai Quality Stars i e hungadó Emilio Velarde otro Bulldogs a move pa Santa Maria Pirates.
Tin indikashon ku Ray Soerka tambe a move i ela bai Santa Maria Pirates. Ray Soerka tabata den Santa Maria un tempu kaba i den 2019 i 2020 a hunga ku e ekipo nobo Marchena Stars.
