Wega finalísimo Liga 60 entre Nos Tambe Por i Jaws djadumingu awor
WILLEMSTAD- Jaws despues di su viktoria di djadumingu 7 di novèmber 2021, a bira e faborito pa bai ku Kopa Liga 60. E wega lo tuma lugá den Frank Curiel Ballpark pa 2.30 pm. Algu ku hopi no a premirá a sosodé, ora ku e gran faborito Nos Tambe Por ku un wega desastroso ta kai kontra di Jaws ku skor di 4-2. Ku e wega empatá na 2 den di 6 inning, Jaws ta probechá di erornan di Nos Tambe Por pa skor dos kareda i asina gana e partido 4-2.
Pa Jaws 4 kareda, 8 hit i 2 eror. Riley Toppenberg a gana i na bate Fransje Lambertina a bai di 2-2 i Andrewy Does di 1-1. Pa Nos Tambe Por 2 kareda, 6 hit ku 4 eror. Picher pèrdèdó a resultá Willem Felicia. Na bate Rignald Hooi a bai di 2-1 ku un empuhá i otro anotá.
Emile Hawswell primera base di Nos Tambe Por ta warda bala i Fransje Lambertina ta yegando safe
Pa djadumingu awor 12’or Sluggers ta enfrentá Curacao Super Stars den un partido amistoso.
Despues Jaws ta topa Nos Tambe Por den e partido final.
Kasi na final, Entertainment Band Sweet Things kuminsando pa 4.30’or lo deleitá e fanatikada ku su músika te 6.30’or.
