Yegada Kòrsou Pabou kampion di Karibe di Beisbòl Little League
WILLEMSTAD - Kòrsou Pabou a gana Cuba ku skor di 3 pa 1 den final p'asina bira kampion di Karibe di Beisbòl Little League. Djadumingu 10 di yüli 2022, nèt 12’or di mèrdia e selekshon a yega Kòrsou i a keda risibí den gran forma pa un públiko grandi na aeropuerto di Kòrsou. Einan tabata presente Minister di Deporte sr. van Heydoorn i representantenan di RBC Royal Bank spònser number 1 di Little League.
Despues e hóbennan a drenta bùs i hasi un rekorido den kayanan Pabou di Kòrsou, Otrabanda pa despues baha na Frank Curiel Ballpark i e hóbennan por a bai kas pa sosegá nan kurpa. Ta for di 4’or di mardugá e hóbennan ta riba pia pendiente pa e biaha pa Korsou. Selekshon di Liga Pariba tambe a yega ku mesun buelo. Selekshonnan Intermediate (Kampion Latino) i selekshon Senior Pabou tabata presente na aeopuerto pa duna e kampionan di Karibe di Little un tremendo bon bini. Prensa tambe tabata bon representá na aeropuerto.
SEMI-FINAL I FINAL
Den e semifinal Kòrsou Pabou a gana Kòrsou Pariba 2 pa 1. Tantu semifinal komo final a tuma lugá djasabra 9 di yüli den Stadion 1 i 2 na Punta Cana. E picher Qshondrickson Doran a gana e wega final i bira MVP di e kampionato di Karibe di Little League. Ela picha e wega final kompletu. Selekshon Pabou Little lo representá Karibe na Williamsport (USA) den e kampionato Mundial di Little League di 18 pa 28 ougùstùs 2022. Pabien Little Pabou, pabien Kòrsou.
